वेद विज्ञान
आजच्या युगात नोंदणीकृत प्रयोगांचे परीक्षण सिद्ध फलीत म्हणजे विज्ञान होय. वेदांमधील अनेक प्रयोग हे आजच्या प्रगत समजल्या जाणार्या भौतिक विज्ञानालाही अगम्य आहे. परकाया प्रवेश, एकाच वेळी अनेक ठिकाणी उपस्थिती, संजीवन विद्येच्या सहाय्याने मृतास पुनर्जीवीत करणे या व अशा अनेक प्रयोगांबद्दल आपल्याला महाभारत, रामायण, पुराणे यामधून माहिती मिळ्ते.
आजवर वेदशस्त्रांचा प्रामुख्याने मनुष्य, वनस्पती इतर जीव यांच्यावर होणार्या परिणामा बाबतच संशोधन झाले आहे. हे जगमान्य आहे की भौतिक शास्त्राच्या व रसायन शास्त्राच्या परीक्षणाच्या पध्दती व जीव सृष्टीशी संबंधीत परीक्षणाच्या पध्दती या मध्ये महद अंतर असते. त्याच प्रमाणे प्रत्येक जीवाच्या प्रकार, स्वभाव व दोषांप्रमाणे केलेल्या प्रयोगांच्या फलीतामध्ये अंतर असते.
वेदांच्या शास्त्रीय ज्ञानाचे उत्तम उदाहरण म्हणजे जगमान्य असलेले आयुर्वेद शास्त्र होय, ज्याची उत्पत्ती अथर्ववेदातून झाली आहे. असे हे वेद सर्वव्यापी विज्ञान आहेत.
वैदिक संशोधन
वेदांमधील ज्ञानाचे व तत्त्वांचे असिमीत भंडार सर्व सामान्य मनुष्यासाठी खुले व्हावे, मनुष्याचे जीवन सुखमय व समृध्द व्हावे व या ज्ञानाचा योग्य वापर करता यावा यासाठी या संस्थतुन अहोरात्र प्रयत्न केले जातात. या सृष्टीत कोणतेही चमत्कार घडत नसतात. अशा सर्व अघटित घटनांमागे वेद विज्ञानाचे तत्त्वच कार्यरत असतात व म्हणूनच या वरील संशोधनात्मक अभ्यासाची नितांत गरज आहे.
वेदांमधील मंत्र, तंत्र स्वरूपी ज्ञानाचा मनुष्याच्या जीवनातील विविध अडचणींवर मात करण्यासाठी मनुष्याची कार्यक्षमता वाढवण्यासाठी तसेच त्याचे ईप्सित साध्य करण्यासाठी कसा उपयोग करता येइल. कोणते मंत्र कसे केव्हा व कुठे वापरावेत, मंत्र सिद्ध करण्याच्या पद्धती इत्यादी संबंधीचा सप्रयोग, अनुभवसिद्ध संशोधनात्माक अभ्यास प. पू. श्री नरेन्द्रनाथ महाराजांच्या मार्गदर्शनाखाली येथे केल्या जातो.